/fdata%2F1402774%2Favatar-blog-1020360629-tmpphpFM4KoW.jpg){kind=avatar}
Après l'original en français, suivie de la traduction en anglais et en italien,
Djeu d'dames : èle régue oficièle du djeu pou bîn couminchî
1. El but du djeu, c'èst d'prinde ou bîn blokî toutes les pièces dè vo n'adversére.
2. El mot "pièce" èst'imployî aussi bîn pou in pion què pou n'dame.
3. El djeu d'dames international ès djuwe su in damiér dè 100 cases.
4. El cwin d'in bas à gauche du damiér dwat yesse dè couleûr foncée.
5. Chake djouweu mèt 20 pions d'sus les 4 premiéres rindjées des cases foncées du damiér.
6. El djouweu qu'a les pions blancs couminche èle partîye.
7. El pion avince toudi in diagonale, i n'pût nîn r'culer, èt d'ène seûle case d'au coûp.
8. In pion dvînt n'dame s'il arîve, in y dmorant, su n'case du dernî rang du costé d'l'adversére.
9. Ele dame pût daler in avant ou in ariére su les case lîbes suksèssîves d'es diagonale.
10. El pion èyè l'dame doive'tè prinde, c'èst'obligatoire, aussi bîn in avant qu'in arière.
11. Il-a prise quand in pion touche ène pièce dè l'adversére avû n'case dè lîbe tout djusse après.
12. El pion saute au d'seûr d'èle pièce à prinde, s'mèt su l'case lîbe, èt on inliève du damiér èle pièce qu'a sté prise.
13. I fôt qu'il eusse ène case lîbe après chake pièce à prinde pou fé n'prise multipe avû in pion.
14. El pion s'mèt su l'case lîbe tout djusse après l'derniére pièce qu'a sté prise.
15. Ele dame prind à distince n'importe qué pièce du moumint qu'il-a après yeune ou plusieûrs cases lîbes.
16. Dins s’parcours, èle dame candje dè diagonale pou prinde d'autes pièces qui sont st'in prise.
17. Ele dame ès mèt, après qu'èle a fini d'prinde, su l'case lîbe qu'èle vût.
18. S'il-a des prises multipes à fé, on èst’oblidjî d'prinde ayu ç'qu'il a èl pus d'pièces à prinde.
19. Pindant n'prise, on n'pût nîn passér deux coûps au d'seûr d'èle minme pièce.
20. On n'pût r'sakî les pièces qu'à l'fin d'èle prise èyè on dwat les r'sakî dins l'orde qu'èles ont sté prises.
21. Si in djouweu touche ène pièce, i doit djwer avû, minme si c'èst in coûp pierdant.
22. Au moumint qu’on djuwe in coûp, l'dernîn coûp d'l'adversére èst définitiv'mint aksepté, minme s’il-avoût n'fôte.
23. On n'pût jamés passér s'toûr : on èst'oblidjî dè djwér. El'cîn qui n'pût pus djwér piérd èle partîye.
24. Ene pièce conte 1, conte 2, conte 3 ; avû n'dame dè chake costé, intrin.ne "partîye r'mise" (1-1).
25. Ele partîye èst r'mise (1-1) quand l'minme position est djwée twàs coûps, d'afilée ou bîn non.
